సూపర్ స్టార్ రజనీకాంత్‌ ప్రధాన పాత్రలో లోకేష్ కనగరాజ్‌ దర్శకత్వంలో తెరకెక్కుతున్న మోస్ట్ అవైటెడ్ పాన్ ఇండియా మూవీ 'కూలీ'. ఇందులో కింగ్ అక్కినేని నాగార్జున, ఉపేంద్ర, శృతి హాసన్, సౌభిన్ షాహిర్, సత్యరాజ్ వంటి పాపులర్ స్టార్లు కీలక పాత్రలు పోషిస్తున్నారు. పూజా హెగ్డే స్పెషల్ సాంగ్ లో కనువిందు చేయనుంది. ఇప్పటికే రిలీజైన అందరి క్యారక్టర్ పోస్టర్లు ఆకట్టుకున్నాయి. లేటెస్టుగా చిత్ర బృందం నుంచి మరో క్రేజీ అప్డేట్ వచ్చింది. సినిమాలోని ఫైనల్ క్యారక్టర్ ను మేకర్స్ రివీల్ చేసారు.

'కూలీ' సినిమాలో బాలీవుడ్ స్టార్ హీరో ఆమిర్ ఖాన్ కీలక పాత్ర పోషిస్తున్నారంటూ చాలా రోజులుగా ప్రచారం జరుగుతున్న సంగతి తెలిసిందే. ఇటీవల 'సితారే జమీన్ పర్' ఇంటర్వ్యూలలో ఈ విషయాన్ని ఆమిర్ కన్ఫార్మ్ చేశారు. తాజాగా చిత్ర బృందం ఆయన పాత్రకు సంబంధించిన ఫస్ట్ లుక్‌ను సోషల్ మీడియా వేదికగా విడుదల చేసింది. ఇందులో దాహా అనే పాత్రలో బాలీవుడ్ మిస్టర్ ఫర్ఫెక్షనిస్ట్ కనిపించబోతున్నారని తెలిపారు.

'కూలీ' పోస్టర్ లో ఆమిర్‌ ఖాన్‌ నోట్లో సిగార్‌ పైప్‌ పెట్టుకొని, పొగ వదులుతూ స్టైల్‌గా నిలబడి ఉన్నారు. షర్ట్ లేకుండా బనియన్ లో కనిపించారు. ఆయన బాడీపై టాటూలు, చేతికి గోల్డ్ వాచ్ ను మనం గమనించవచ్చు. గతంలో ఎన్నడూ చూడనటువంటి మాస్ లుక్ లో ఆమిర్ ఆకట్టుకున్నారు. చూస్తుంటే 'విక్రమ్' సినిమాలో సూర్య పోషించిన రోలెక్స్ తరహాలో దాహా పాత్రను డిజైన్ చేసినట్లుగా అనిపిస్తోంది. రజనీకాంత్, నాగార్జున పాత్రలకు ధీటుగా ఆమీర్ ఖాన్ క్యారక్టర్ ఉంటుందని అభిమానులు భావిస్తున్నారు.