న్యూజెర్సీ:'మన అమెరికన్ తెలుగు అసోసియేషన్‌' (MATA) ఆధ్వర్యంలో చరిత్ర సృష్టించేలా బతుకమ్మ–దసరా మహోత్సవాలు ఘనంగా జరిగాయి. న్యూజెర్సీలోని రాయల్ ఆల్బర్ట్స్ ప్యాలెస్‌లో జరిగిన ఈ వేడుకలకు 3,000 మందికి పైగా తెలుగు ప్ర‌వాసులు కుటుంబ స‌భ్యుల‌తో స‌హా హాజరై సంబరాలు మరింత అద్భుతంగా, క‌న్నుల పండువ‌గా మలిచారు.

ఈ వేడుకల్లో 25 అడుగుల ఎత్తైన అద్భుతమైన బతుకమ్మ అందరి దృష్టిని ఆకర్షించింది. ఇది న్యూజెర్సీలోనే కాదు, అమెరికా వ్యాప్తంగా అత్యంత ఎత్తైన బతుకమ్మగా చరిత్రలో నిలిచింది. దుర్గాపూజ, బొమ్మలకొలువు, సాంస్కృతిక ప్రదర్శనలు, వాణిజ్య ప్రదర్శనలు, రాఫెల్స్‌, బతుకమ్మ పోటీలు వేడుకలకు ప్రత్యేక ఆకర్షణగా నిలిచాయి.

సంగీత, సాంస్కృతిక కార్యక్రమాల్లో సరేగమపా S13 & ఇండియన్ ఐడల్ 2 ఫేమ్ యుతి హర్షవర్ధన, మహిళా కమిటీ చైర్, గాయని, యాంకర్ దీప్తి నాగ్ పాల్గొని భక్తి గీతాలతో వేదికను అలరించారు. 3,000 మందికిపైగా వచ్చిన ప్ర‌వాసుల‌కు ప్రసాదం పంచిపెట్టడం, కుటుంబాలు సంప్రదాయ పద్ధతిలో బతుకమ్మ ఆడుకోవడం వంటి కార్యక్రమాలు వేడుకలకు మరింత అందం చేర్చాయి. చివరగా నిమజ్జన శోభాయాత్రలో సన్నాయి, నాదస్వరాలు, డప్పులతో తెలంగాణ సాంప్రదాయ ఘనత ప్రతిధ్వనించింది.

ఈ వేడుకలకు MATA స్థాపకులు ఆండ్ ఆడ్వైజరీ కౌన్సిల్ సభ్యులు శ్రీనివాస్ గనగోని, ప్రదీప్ సమల, ఆడ్వైజరీ కౌన్సిల్ సభ్యులు జితేందర్ రెడ్డి మార్గదర్శకత్వం వహించారు.

ఈ వేడుక విజ‌య‌వంతం అయ్యేల‌ MATA ఎగ్జిక్యూటివ్ కమిటీ, బోర్డు ఆఫ్ డైరెక్టర్స్‌, హానరరీ అడ్వైజర్స్ అహర్నిశలు కృషి చేశారు. అధ్యక్షుడు రమణ కిరణ్ దుద్దాగి, ఎగ్జిక్యూటివ్ వైస్ ప్రెసిడెంట్ ప్రవీణ్ గూడూరు, జనరల్ సెక్రటరీ విజయ్ భాస్కర్ కలాల్, స్పిరిట్యుల్ & మెంబర్షిప్ డైరెక్టర్ శిరీష గుండపునేని, స్పోర్ట్స్ డైరెక్టర్ సురేష్ కజానా, హెల్త్ అండ్ వెల్‌నెస్ డైరెక్టర్ ల‌క్క‌సాని సరస్వతి, బోర్డు ఆఫ్ డైరెక్టర్ రామ్మోహన్ చిన్నాల ముఖ్య భూమిక పోషించారు. హానరరీ అడ్వైజర్లలో దాము గేదెల‌, జైదీప్ రెడ్డి, వెంకటేష్ ముత్యాల, బాలాజీ జిల్ల కూడా పాల్గొన్నారు.

ఈ వేడుక విజయవంతం కావడంలో న్యూజెర్సీ ఆర్వీపీలు వేణు గిరి, నరేందర్ రెడ్డి ఎర్రంగూరి, దీపక్ కట్ట, పూర్ణ బేదుపూడి కీలక పాత్ర పోషించారు. బతుకమ్మ కోర్ టీమ్‌లో స్పిరిట్యుల్ ఆండ్ మెంబర్షిప్ డైరెక్టర్ శిరీష గుండపునేని వేణు గిరి, బాబుజీ పెండ్యాల, నరేందర్ రెడ్డి, దీపక్ కట్ట, కృష్ణ సిద్ధాడ‌, అరుంధ‌తి శ‌కెళ్లి, లక్ష్మీకాంత గజుల, గోపీ వుటుకూరి, మధు కుంకు, పద్మిని ధర్మపురి, సిద్ధార్థ్ తమ్మ, పురుషోత్తం అనిమోలు అహర్నిశలు శ్రమించారు. అలంకరణల కోసం గిరిజా మాదసికి నిర్వాహకులు కృతజ్ఞతలు తెలిపారు.

బొమ్మలకొలువు ప్రదర్శనలో సురేష్ కజానా, రంగ మడిసెట్టి, వారి బృందం ప్రత్యేక ఆకర్షణగా నిలిచారు. 25 మందికిపైగా మహిళలు ఒక‌ అడుగు ఎత్తైన బతుకమ్మలు తీసుకురావడంతో వారికి ప్రత్యేకంగా చీరల‌ను బహుమతులుగా అందజేశారు. మొత్తం 150కి పైగా బతుకమ్మలు కలిసి న్యూజెర్సీలో ఎన్నడూ లేని రీతిలో రంగుల హరివిల్లుగా వెలిగాయి.

ఈ వేడుకలు తెలంగాణ‌ సాంప్రదాయ వైభవాన్ని ప్రతిబింబిస్తూ, తరతరాలకు గుర్తుండిపోయేలా చరిత్రలో నిలిచిపోయాయి.