పెళ్ళైన ప్రతి మహిళకి అమ్మ అని పిలిపించుకోవాలనే ఆరాటం ఉంటుంది. కానీ, కొన్ని కారణాల వల్ల పిల్లలు పుట్టరు. ప్రెగ్నెన్సీ రాదు. ఎంత ట్రై చేసినా నిరాశే ఎదురవుతుంది. దీంతో ఎంతగానో బాధపడతారు. ట్రీట్‌మెంట్స్‌కి వెళ్తారు. అయినా లాభం ఉండదు. దీనికి కారణం మనం తెలియకుండా ఏదైనా తప్పులు చేస్తున్నామో తెలుసుకోవాలి. పిల్లలు కావాలనుకునేవారు కొన్ని జాగ్రత్తలు తీసుకోవాలి. అవేంటి? ఎలాంటి టిప్స్ ఫాలో అయితే ప్రెగ్నెన్సీ వస్తుందో నిపుణులు షేర్ చేస్తున్నారు. వీటిని ఫాలో అవ్వడం వల్ల త్వరగా ప్రెగ్నెన్సీ కన్‌ఫామ్ అవుతుందని చెబుతున్నారు. అవేంటంటే..

- వర్కౌట్ ఎక్కువ వద్దు..

ఇది చాలా మందిని ఆనందపెట్టే విషయం. ఎక్కువగా ఎఫెక్టివ్‌గా ఉండే వర్కౌట్స్ చేయొద్దు. వారానికి ఐదు గంటల కంటే ఎక్కువ వర్కౌట్ చేస్తే అండోత్సర్గం తగ్గుతుంది. కాబట్టి, తక్కువ ఎఫెక్ట్ ఉండే వర్కౌట్స్ చేయడం మంచిది.

- హెల్దీ వెయిట్..

బరువు ఎక్కువగా ఉన్నా, తక్కువగా ఉన్నా ప్రెగ్నెన్సీపై ఎఫెక్ట్ పడుతుంది. దీని వల్ల అనుకున్నట్లుగా ప్రెగ్నెంట్ కాలేరు. కాబట్టి, ఆ సమస్యని దూరం చేయాలంటే మీరు మీ ఎత్తుకి తగ్గట్లు బరువు ఉన్నారా.. మీరు ఉండాల్సిన బరువు ఎంత.. ఎంత ఉన్నారనేది చెక్ చేసుకోవాలి.

- ఎగ్స్..

గుడ్లు ఆరోగ్యానికి చాలా మంచివి. ఇందులోని విటమిన్స్, ఖనిజాలు, అమైనో యాసిడ్స్ కూడా ఫోలికల్ క్వాలిటీని పెంచుతాయి. కాబట్టి, రెగ్యులర్‌గా గుడ్లని తింటే సంతానోత్పత్తి అవకాశం పెరుగుతుంది.

- ప్రినేటల్ విటమిన్స్..

ఫోలిక్ యాసిడ్, బి విటమిన్స్ వంటి సంతానోత్పత్తి, ప్రెగ్నెన్సీకి సపోర్ట్ చేసే మెడిసిన్ ఉంటాయి. వీటిని మీరు మీ డాక్టర్ సలహాతో తీసుకోవచ్చు. వీటిని తీసుకోవడం వల్ల మీరు త్వరగా కన్సీవ్ అయ్యే ఛాన్స్ ఉంటుంది.

- చెడు అలవాట్లకి దూరంగా..

స్మోకింగ్, డ్రింకింగ్ లాంటి అలవాట్లు మన ఆరోగ్యానికి ఎంత హాని చేస్తాయో.. ప్రెగ్నెన్సీ అవకాశాలను కూడా అలానే తగ్గిస్తాయి. కాబట్టి, వీటికి దూరంగా ఉండండి. ఎక్కువగా స్మోక్, ఆల్కహాల్ తీసుకుంటే అది మీ సంతానోత్పత్తిపై ఎఫెక్ట్ చూపిస్తుంది.

- ఓవులేషన్ టైమ్‌లో కలయిక..

ఓవులేషన్ టైమ్‌లో భార్యాభర్తలు కలిస్తే ప్రెగ్నెన్సీ వచ్చే ఛాన్సెస్ ఎక్కువగా ఉంటాయి. సాధారణంగా మీది రెగ్యులర్‌ మెనుస్ట్రువల్ సైకిల్ అయితే ఓవులేషన్ అనేది 11 రోజుల నుండి 21 రోజుల మద్య జరుగుతుంది. కాబట్టి, ఈ టైమ్‌లో మీరు కలయికలో పాల్గొంటే త్వరగా ప్రెగ్నెన్సీ వచ్చే ఛాన్స్ ఉంటుంది. అదే విధంగా, చాలా మంది లూబ్రికెంట్స్‌ని వాడతారు. వీటిని మీరు స్పెర్మ్, ఎగ్ ఫ్రెండ్లీ లూబ్రికెంట్స్ వాడడం మంచిది. దీని వల్ల కూడా ప్రెగ్నెన్సీ అయ్యే అవకాశాలు పెరుగుతాయి.