ఫైనల్‌గా కీర్తి సురేష్ లిప్‌ లాక్‌ పెట్టేసిందిరోయ్.. ఫోటోలు వైరల్
తెలుగు ప్రేక్షకులను 'నేను శైలజ' అంటూ పలకరించిన కీర్తి సురేష్ ఆ తర్వాత మహానటి సినిమాతో పాన్‌ ఇండియా స్థాయిలో భారీ విజయాన్ని సొంతం చేసుకుంది. కీర్తి సురేష్ సినిమా ఇండస్ట్రీలో హీరోయిన్‌గా అడుగు పెట్టి పదేళ్లు పూర్తి అయినా ఇప్పటి వరకు ఏ సినిమాలోనూ ఆమె స్కిన్‌ షో చేయలేదు, హద్దులు దాటి రొమాంటిక్ సన్నివేశాల్లో నటించలేదు. హీరోయిన్‌గా ఆమె నటించిన ప్రతి సినిమాలో నటనతో ఆకట్టుకుంది, కానీ అందంతో అలరించే ప్రయత్నం చేయలేదు. స్కిన్‌ షో చేయకుండా కేవలం నటనతోనే ఆకట్టుకున్న కీర్తి సురేష్ రొమాంటిక్ సీన్స్‌లోనూ ఎప్పుడూ కనిపించలేదు.
ఇన్నాళ్లు ముద్దు సన్నివేశాలకు దూరంగా ఉన్న కీర్తి సురేష్ ఎట్టకేలకు లిప్లాక్ చేసింది. అయితే ఇప్పుడు లిప్‌ లాక్‌ చేసింది సినిమా హీరోతో కాదు.. తన రియల్‌ లైఫ్‌ హీరోతో కీర్తి సురేష్ లిప్‌ లాక్‌ చేసింది. ఆ ఫోటోలను స్వయంగా తన ఇన్‌స్టాగ్రామ్‌లో షేర్ చేసింది. ఇటీవలే కీర్తి సురేష్, ఆంథోనీలు పెళ్లి బంధంతో ఒక్కటి అయ్యారు. వీరి పెళ్లి హడావుడి కొనసాగుతూనే ఉంది. హిందూ సాంప్రదాయం ప్రకారం వీరి పెళ్లి ఇటీవల జరిగింది. నేడు ఆదివారం వీరి వివాహం క్రిస్టియన్‌ సాంప్రదాయంలో జరిగింది. పెళ్లి రిసెప్షన్‌ సైతం నేడు జరిగింది. ఆ సందర్భంగా తీసుకున్న ఫోటోలను కీర్తి సురేష్ ఇన్‌స్టాగ్రామ్‌ ద్వారా అభిమానులతో పంచుకుంది.
కీర్తి సురేష్ తన భర్త ఆంథోనీతో లిప్లాక్ చేసిన ఫోటో ప్రస్తుతం సోషల్‌ మీడియాలో వైరల్ అవుతోంది. హీరోయిన్‌గా పదేళ్లు చేసిన ఏ హీరోయిన్‌ అయినా ఏదో ఒక సమయంలో, ఎవరో ఒక హీరోతో, ఏదో ఒక సినిమాలో లిప్‌ లాక్‌ చేయడం, రొమాంటిక్ సీన్‌లో నటించడం మనం చూస్తాం. కానీ కీర్తి సురేష్ మాత్రం తన సినీ కెరీర్‌లో ఎప్పుడూ లిప్లాక్ సన్నివేశాలను చేయలేదు. అంతే కాకుండా హద్దులు దాటి రొమాంటిక్ సీన్‌లోనూ నటించలేదు. అందుకే ఇప్పుడు ఆంథోనీతో ఆమె చేసిన లిప్లాక్ ఫోటో వైరల్ అయ్యింది, అంతే కాకుండా ఆ ముద్దు చర్చనీయాంశం అయ్యింది. కీర్తి సురేష్ అభిమానులతో పాటు నెటిజన్స్ ఈ ఫోటోలను తెగ లైక్‌ చేస్తూ షేర్ చేస్తున్నారు.
వ్యాపారవేత్త అయిన ఆంథోనీతో కీర్తి సురేష్ సుదీర్ఘ కాలంగా రిలేషన్‌లో ఉంది. ఇద్దరి బంధానికి ఇరువైపుల కుటుంబ సభ్యుల నుంచి అంగీకారం లభించడంతో ఎట్టకేలకు వీరు పెళ్లి పీటలు ఎక్కారు. కీర్తి సురేష్ హిందువు కాగా, ఆంథోనీ క్రిస్టియన్‌ కావడంతో వీరి వివాహం రెండు మతాల ఆచారాల ప్రకారం జరిగింది. గోవాలో గత నాలుగు రోజులుగా వీరి వివాహ వేడుకలు జరుగుతున్నాయి. నేడు రిసెప్షన్‌తో పెళ్లి తంతు పూర్తి అయినట్లు తెలుస్తోంది. తమిళ్‌, తెలుగు సినిమాలతో పాటు ఇటీవల హిందీ సినిమాలతోనూ కీర్తి సురేష్ బిజీ అయ్యింది. పెళ్లి తర్వాత వరుసగా సినిమాలు చేస్తానంటూ ఆ మధ్య ఒక ఇంటర్వ్యూలో కీర్తి సురేష్ చెప్పుకొచ్చింది.
